政壇：搞搞政：瞓覺上鏡IQ博士失議席
九月立法會選舉烽煙四起，多個由親中陣營把持嘅傳統功能界別都有求變聲音，特別係要踢走霸住議席多年嘅「大懶蟲」議員。有親中消息透露，中總嘅「IQ博士」黃宜弘、金融界李國寶同體育界霍震霆嘅選情都危危乎。
早前有消息話，喺維穩嘅情況下，IQ博士應連任，但最新嘅消息話佢又被勸退。有中總中人暗批佢根本冇做好議員嘅職責，特別係見到廠商會過去幾年搞得有聲有色，而唐唐「家臣」林大輝亦屢次代表業界發聲，相反IQ博士成日都隱形，令中總喺四大商會嘅地位同影響力比下去。
有親中消息話IQ博士個議席有暗湧，除多年來都無做過齣好戲外，佢成日被人影到開會瞓覺嘅醜態都絕對有關係，喺咁嘅情況下，睇怕佢要疊埋心水等退休嘞！
設計圖片