SUN世代：出書為少數族裔發聲

「我都做過記者o架！」大學剛畢業，羅貴祥曾在報館的文化版當過一年記者。○六年，他出版了一本《香港．多一點顏色》，親身走訪香港各區，訪問了二十位在港的少數族裔人士，當年的記者訓練再次能夠大派用場。

出書的意念，純粹來自羅貴祥看電影和留學體驗。「港產片有個怪現象，喺電影入面，經常有少數族裔嘅角色，但都係由香港人扮演。而喺美國生活嘅七年中，都試過被人歧視過，亦見過唔少種族歧視嘅情況，好似喺美國公司，黑人永遠做唔到最高級職位。之後返到嚟香港之後，更加令我反思番本港嘅少數族裔問題。」

「成日話香港好自由、開放，係咪真呢？好似回教徒咁，佢哋一日要做五次崇拜，崇拜前都要洗乾淨手腳，但香港根本無太多公眾地方畀人洗手腳，試過有回教徒喺公廁洗腳被人話，令佢哋覺得好委屈！」

最近他的研究方向由香港轉到內地，並期望大眾能化解歧視，「中國有五十幾個少數民族，而且經常成為國際熱話，係一個好值得我哋去探討嘅議題。」