SUN世代:文字情人 談書說愛

羅貴祥的人生,為文字那麼瘋癲過。他自小與書本為伍,沉醉於文學世界,游走中、西文學間,走上比較文學的研究路。兒時的作家夢雖未圓,他卻決意執起教鞭,春風化雨十四載,只為散播文字種子,期望學生亦能如他般享受文字創作,追尋自己一生所愛。

「我好幸運,可以去做自己鍾意嘅嘢!」讀文科的男孩,一般都被視為「無出息」、「無前途」,但自小熱愛文字的羅貴祥從未動搖過,只因一份來自家人的疼錫。在屋邨長大的他,是家中孻仔,有兩個家姐和一個哥哥,「家姐同阿哥都好鍾意讀書,不過因為要養家,佢哋無咁嘅機會,而我就排最細,可以選擇自己想做嘅嘢。」

童年愛幻想,小時候的羅貴祥最想當作家,最愛「作古仔」。每顆象棋、飛行棋都是他的小說人物,他為棋子設計不同角色,然後按照自創劇本,自演一場戲。「通常都係男主角打低壞人,然後英雄救美。」情節雖老土,他卻樂在其中。愛創作亦愛文字,令他漸漸墮進文學世界。

執教14載 着重啟發

「睇書有如一個連鎖反應,每次睇完一本書之後,都會有啟發,然後帶你走到另一本書。讀小學時,我鍾意睇漫畫,中學就睇金庸武俠小說,慢慢就開始睇文學類型嘅書。」在芸芸文學範疇中,羅貴祥對較冷門的比較文學情有獨鍾,只因天生愛與眾不同。「通常老師指定要睇嘅書,我都唔鍾意睇,寧願自己搵其他書睇。我唔會搵英國、美國啲主流作家,會搵一啲唔同地方,好似拉丁美洲、東歐嘅作家。」

一直以來,羅貴祥醉心於比較文學研究,只因文學世界的天馬行空,深深吸引着他。「現實空間有好多限制,不過喺文字世界,你可以任意發揮,想點都得。拉丁美洲嘅作家有一種文學風,叫『魔幻寫實』,係用天馬行空嘅文字,表達關心社會嘅情懷。」他在美國完成比較文學的碩士和博士課程後,曾在美國加州大學任教一年,九八年決意回港重執教鞭,把文學魅力傳播給下一代。

在羅貴祥眼中,教學猶如播種,他一直堅持啟發學生的興趣,「我只係幫學生搵好嘅土壤,為佢哋灌溉,最後結咩果、開咩花都係由佢哋話事。因為最緊要係搵到自己鍾意嘅嘢,唔希望佢哋做『倒模』。」轉眼間,羅貴祥已經執教十四載,望着每一位學生,猶如看到當初的自己,期望他們同樣覓得自己所愛。

羅貴祥小檔案

現職:香港浸會大學人文學系教授

學歷:香港大學文學學士、香港大學哲學碩士(比較文學)、美國明尼蘇達大學文學碩士(比較文學)、美國史丹福大學哲學博士(比較文學)

家庭狀況:已婚、育有兩子

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

張凱恩

羅貴祥

羅貴祥(右)一直醉心研究比較文學,今年更獲香港浸會大學頒發「傑出學術表現獎 」。

春風化雨十四載,羅貴祥(前排右二)與畢業學生合照留念。

羅貴祥在家中書櫃前與家人溫馨合照。