政壇：政商定格：富力李思廉減持股份贈乖女
近排內房股啲股價上番唔少，內房似乎有回春迹象，點知轉過頭聯交所嘅披露權益資料就顯示，富力地產老闆李思廉喺上禮拜三（十一號）就喺場外減持1,000萬股，每股作價9.99，涉款9,990萬元。
富力股價又唔係升好多，而且一向派息都幾好，點解要減持？據聞，原來今次李總減持，係將啲股份送畀佢個女做禮物㗎。
不過大拿拿減持成億貨，仲係李總喺富力上市以嚟第一次減持，係人都驚啦，所以尋日富力開市冇耐即時跌咗成6%，後來至定番啲，但睇番李總將啲富力股份送畀下一代，相信都唔會睇得太差啦！
