政壇：政商定格：頻做義工黑英對得起納稅人
天文台前台長「黑英」林超英尋日喺網誌回顧番過去三年嘅退休生活，期間參加過唔少活動，涉及教育、天文、生態保育等，淨係出席演講會都講到口水乾，難怪佢話離開「休」尚有頗長距離。
佢幫自己粗略計算，過去三年演講同授課有二百八十節，出席工作會議同擔任義務工作就有三百三十次，訪問都做咗成六十次，參加學術會議亦有三十次，仲出版咗一本科普書《天地變何處安心》，加上幫母校英皇書院爭取唔使參加中一減班，所做嘅嘢應該對得起納稅人畀佢嘅退休金喎！
有人問佢點解要搞到咁忙？佢話幾十年來香港對佢真係唔錯，退休後希望為香港做多啲有益嘅事，令後來者有個開心生活環境，最好就係推廣開心正能量。踏入退休第四年，佢話：「賺錢嘅事一定唔做，好事盡量做！」
林超英總結退休生活，係對得起納稅人畀佢嘅退休金喎。（資料圖片）