政壇：搞搞政：KK踩張建宗 一文不值
依家各界都喺度推敲緊下屆問責局長人選誰屬，有人話勞工及福利局局長張建宗對留任恨到流晒口水，係真係假就只有佢自己至知，但係同佢交手多次嘅工聯會立法會議員KK黃國健，就將張建宗彈到一文不值。
話說有記者尋日問起點睇張建宗？KK好坦白咁話覺得張建宗推政策嘅時候，有時會拖拖拉拉，尤其是交通津貼，同埋定居內地長者領取福利問題，張建宗直頭係處理不當。
其實，前排KK喺立法會講到下任勞福局局長人選時，已經流露對張建宗似乎冇乜好感，一來佢話同張建宗已經交過咁多次手，係時候有啲新氣象啦！至於勞福局常任秘書長鄧國威，佢一樣唔多鍾意，直情講到明話咪搞，唔係好想見到佢喎。
至於一講到前勞工處處長謝凌潔貞，佢即時笑逐顏開，仲盛讚謝太幾好吖、係可以接受嘅人選。
設計圖片及對白