偷拍藝人私隱 淫媒污糟邋遢

「婊子一面想弄的銀子，一面又想立個牌坊。」淫賤黎宣淫販賤，以為披上一件「道德外衣」就可以肆無忌憚，正正係魯迅先生口中既要做婊子，又要立貞節牌坊嘅欺世盜名之輩。

三名電視藝人不忿被壹淫媒旗下《忽然1周》同《FACE》周刊偷拍喺寓所嘅私人活動，憤然向私隱專員公署投訴。私隱專員裁定兩刊違反保障資料原則，通過有計劃監察方法日以繼夜以長鏡頭及放大器偷拍藝人，嚴重侵犯咗對方私隱。今次係全港首宗傳媒因偷拍而被私隱公署裁定違例個案，演藝人協會拍爛手掌歡迎裁決。

私隱專員公署一向不務正業，但今次嘅裁決就正確嘞。法例規定個人私隱受到保護，藝人喺自己屋企嘅一舉一動都被壹淫媒監視，私人空間淪為「瞥伯」樂園，連全裸光豬同親密行為都唔放過，個人私隱蕩然無存，是可忍孰不可忍。

最好笑嘅係，壹淫媒居然攞公眾利益做擋箭牌，話偷拍係要證明藝人早前否認同居係講大話。但私隱專員直指藝人係咪同居只係花邊新聞，同公眾利益無關。

無錯嘞，藝人同邊個一齊住，願唔願意公開，係佢哋嘅自由，關公眾咩事？唔好扮嘢嘞，查實所謂「公眾利益」，只不過係壹淫媒借公眾過橋，為自己牟取利益。壹淫媒宣淫販賤，人人唾棄，為咗谷銷路賣多幾本，竟然不擇手段偷拍藝人私隱，利令智昏，可恥之至！

叮！係人都知，壹淫媒靠反中亂港、宣淫販賤起家，為達目的無所不用其極，多年來譁眾取寵，揭人隱私，杜撰新聞，為咗所謂「獨家報道」，乜嘢污糟邋遢手段都做得出，乜嘢冠冕堂皇嘅理由都噏得出。咁嘅傳媒敗類，信佢半成都死得人多。

新聞自由唔係偷窺自由，更唔係老作自由。試問淫賤黎，炮製未成年少女濕身性感照，創下本港首家傳媒被控觸犯《防止兒童色情物品條例》嘅紀錄，唔通咁都算係新聞自由？仲有吖，捏造城中富商生癌、假扮解放軍街頭行乞、畀錢陳健康北上尋歡炮製「獨家新聞」、偷拍女藝人換衫、摷明星垃圾桶，所有呢啲無恥行徑，唔通都算係公眾利益？

婊子講貞操，強盜唸佛經，淫棍談道德，統統都係呃鬼食豆腐。計太一叮話齋，淫賤黎誨淫誨盜，因住貞節牌坊立唔成，自己隨時被釘上淫賤恥辱柱呀，叮！