政壇：政商定格：市局時間囊卦文批中小人當道
喺十五年前，三十幾個市政局議員為紀念回歸，喺中環大會堂埋下咗一個時間囊，約好咗十年後，即係○七年開番時間囊，可惜埋下時間囊幾年後，市政局就被「拆局」，令時間囊出土無期。呢個時間囊尋日終於出土，原來裏面有一段《易經》卦文。
話說回歸前寶蓮禪寺外嘅寶鼎喺運送期間折足，前市政局議員黎學廉特意為此起卦，卦文大意為小人當道，民不聊生，而黎學廉就將節錄卦文放入時間囊，尋日前市政局議員胡志偉代為讀出卦文時，亦不禁感嘆一句：「不幸言中。」雖然支卦無講「小人」係邊個，但時間囊原定喺○七年開啟，咁啱當年係煲呔曾連任，莫非係長埋時間囊嘅黑手，唔想支卦文影響佢連任？
當年司徒華放咗國殤之柱圖片，放咗「政治審查」口罩嘅吳永輝同胡志偉都感嘆，估唔到十五年後，情況依然。
多名前市政局議員尋日將埋喺地下長達十五年嘅時間囊出土。
王國興放咗本市政興革。
杜本文放嘅風箏，上面寫住嘅文字已漸漸退色。
前市政局時間囊收藏嘅部分展品。