政壇：搞搞政：建仔和頭酒撫平建制派
建制派喺今屆特首選舉撕裂成兩個陣營，建仔主席譚耀宗決定首先拋出橄欖枝，尋日去信候任特首辦邀約CY梁振英四月中出席建制派飯局，無論唐營定梁營都坐低食餐飯傾吓偈。
話就話係大圍飯局，但相信未必係譚sir意願，估計都係西環攪局，希望可以修補建制派裂痕。講明係裂痕，你估擺餐和頭酒，就咁易修補到咩，據聞有挺唐派嘅議員講到明未必出席，態度好敷衍，唔知到時林健峰會唔會畀面出席呢？不過呢個心結，都要等CY自己解決。
除咗大和解飯局，建仔仲諗住同CY單獨傾吓，所以四月十四號嘅黨內路向營，特登搵CY做演講嘉賓，等幾百名黨員同未來特首互相交流一下。就咁睇，相信建仔同CY嘅關係，應該好過煲呔曾幾倍。
設計圖片