建制派護主貪曾唔減薪

特首曾蔭權爵士接受富商款待，貪腐行為令人髮指。立法會昨日通過二讀二○一二至一三年度預算案，泛民主派議員針對「曾貪心」醜聞提出三項修訂，分別要求削減曾蔭權三個月人工、三個月社交及酬酢津貼，以及特首辦與行政會議全年開支。議員直斥「貪曾」行為損害政府聲譽、「冇做好呢份工」，又指他偏聽大財團聲音，市民不需要付錢給他參加與富商「圍、威、餵」的活動。不過在建制派議員傾力「護短」下，三項修訂全軍覆沒。

立法會昨日在沒有記名表決下，通過二讀曾蔭權政府最後一份預算案，之後審議分別由七名泛民議員提出的共十項修訂，其中人民力量陳偉業提出削減特首辦及行會全年預算開支約九千三百萬元、公民黨梁家傑提出削減曾蔭權三個月薪金逾一百零五萬元、工黨何秀蘭提出削減曾蔭權及其夫人三個月社交活動及酬酢津貼約二十七萬元。

在○七年特首選舉敗於曾蔭權的梁家傑，批評對方「冇做好呢份工」，競選時多項承諾均沒兌現，其貪小便宜行為更有損政府聲譽，令人質疑政府偏幫財團，影響公務員形象及士氣，理應減人工。

「等收工唔做嘢」

社民連梁國雄表示，曾蔭權毋須接受立法會用特權法徹查，減人工是理所當然，「三個月便宜咗佢啦」。人民力量陳偉業表示，雖然曾蔭權已成立委員會檢討特首利益申報制度，但只是規管未來特首，卑鄙無恥。工黨主席李卓人揶揄曾蔭權「全部都係人哋款待佢，佢都唔使使錢款待人o架啦！」故應削減曾蔭權的社交及酬酢津貼。多名議員不滿曾蔭權政府「等收工唔做嘢」。

何秀蘭指現已選出候任特首，「有嘢都搵梁振英啦」，又指市民不應花錢給曾「圍、威、餵」，即與富商「坐埋一『圍』」、只聽好說話「認『威』認叻」、及與大財團「互相輸送、互『餵』利益」，指曾「咁多醜聞，理應閉門養晦思過。」

在建制派議員集體「護短」投反對票下，三項針對「貪曾」及其他各項泛民修訂終全軍覆沒。

議員精彩發言

人民力量陳偉業：曾蔭權最無恥，對公務員就嚴謹，佢自己就冇限制，令人齒冷。

工黨何秀蘭：如果應酬只係偏聽大財團聲音，市民唔需要用錢畀佢去「圍威餵」。

社民連梁國雄：罰曾蔭權三個月人工只係小懲大戒，佢又唔需要接受P&P（特權法）查。

公民黨梁家傑：曾蔭權冇做好呢份工，減人工係理所當然，三個月便宜咗佢。

工黨李卓人：起碼要減酬酢費，全部都係人哋款待佢，佢都唔使款待人。