烽火台：獅隧真惹火港府好失敗

邪門邪門真邪門，獅子山隧道連續兩日失火，端的是福無重至，禍不單行！

獅隧南行管道上周四剛剛發生三級大火，周五又輪到北行管道出事，一輛貨車於早上繁忙時段駛經隧道，車尾忽然冒煙起火，雖然司機及時撲滅火種，管道仍須封閉十五分鐘。回看南行管道，更是慘不忍睹，大火之後，儼然變成一條「黑隧」，搞到當局方寸大亂，一時說周一重開南行管道，一時又說要拖到兩個星期後才可恢復正常行車。

南北管道先後失火，交通自然雪上加霜，獅隧塞車不在話下，就連大老山及城門隧道亦出現車龍，激到司機大佬炒蝦拆蟹，大罵夕陽政府歎慢板，無急市民之急。唉，區區兩場火警就搞到七國咁亂，莫非香港真的氣數已盡？

堪輿學家說，獅子山是香港地標，九龍龍脈所在，港府四十五年前打通山脈興建隧道，令九龍新界南北相通，同時亦打通中國同香港的氣場，可惜啊，今次一場大火，毒氣攻出，隧道閉塞，造成南北阻礙，嚴重影響中港關係。

風水玄學之說，當然信不信由你，但事實擺在眼前，因為港府愈來愈廢，香港問題愈來愈多，除了官民矛盾與貧富矛盾，最近還發生連串中港矛盾事件。獅隧惹火，映照港府失敗，官僚無能無心無靈魂，香港想唔亂都幾難！