SUN微博：唐豬報警器

打橫嚟講：急call粉皮開工

香港特首選舉胡鬧劇情，蓋過晒所有正經新聞，就算禍港至深的跨境自駕遊，甚或影響下一代的雙非嬰兒問題，都變得靜悄悄；加上，警方以數碼化為由的熄機惡行，打壓新聞採訪，也無人關注了！至於那些甚麼婆仔畀車撞親、醫療再出事，港人捐錢助日本災區等等碎料，就更加隨手揭過，視而不見。

香港人寡情嗎？忙得無暇看報嗎？或特首戰娛樂性太豐富，唔睇先會蝕底？

香港小市民但求溫飽，不理世事，是可以理解的，但香港特區政府內最高層嗰兩件廢柴，竟翹埋手剝花生，乜叉都唔理唔做、出糧等收工，彰顯夕陽政府的本性，咁就×交叉佢哋囉！

當雙非孕婦冒死衝關、萬人上街反對自駕遊，七百萬市民和傳媒鬧爆禿鷹為首的警方種種敗行，甚至因雙非BB釋法問題，搞到港區人大與律政司互片，又或江湖飯局引伸的黑金政治曝光後，皆不見曾蔭權同林瑞麟兩條粉皮出來說半句，似暴斃死Q咗，多過因身有屎唔敢見人！

曾蔭權就話與三山五嶽的江湖宴醜聞扯上，遂龜縮畏光啫！林瑞麟唔通亦有黑屋、黑艇、黑早餐、黑飛機、黑情婦等黑材料喺「北京仔」同「福建仔」手上？好同我快啲死出嚟做嘢，如果唔係，我去勞工處度告你，呃香港人啲錢，食嘢唔做嘢，限期三日，粉皮！

就係咁爆：香港出不了林書豪？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

email：sunweibo@opg.com.hk

「就係敢爆」網址tv.on.cc/hot