日前喺筲箕灣東大街安利大牌檔見到鏞記老闆甘健成同兩個仔崇軒及崇轅去「醫肚」，唔通因為近日因酒家母公司清盤案，心情麻麻，見到靚燒鵝都食唔落，寧願換吓口味？
三仔爺甫坐低，甘老闆以熟識嘅口脗柯打三碗招牌魚蛋粉，崇軒就整多一支可樂，期間邊食邊閒話家常。但未知是否受官司影響，甘老闆全程笑容唔多，似滿懷心事。
佢哋食飽飽離去，兩個仔先步出門口截的士，甘老闆就殿後找數。記者上前問甘老闆係咪嚟呢區睇舖位，佢就急忙澄清話：「唔係，唔係！嚟呢度食碗粉啫！」
甘健成（中）同大仔崇軒（右）及次子崇轅（左）食魚蛋粉。
