日前喺天津舉行嘅觀賞「富國高銀雪地馬球世界盃賽」，世界級高手雲集，香港隊亦打入總決賽，同南非對壘，戰況咁激烈，趙世光千金Jane趙式和都入場做啦啦隊，佢同老公李承康、媽咪何琍琍同外母李顏玉秀坐VIP包廂睇比賽，近距離感受雪花飛濺嘅刺激氣氛。
港隊一上場就志在必得，猛烈進攻；南非隊亦不甘示弱，迅速反攻，最後港隊以七比四擊敗南非隊奪冠，全場起哄。港人揚威馬球場，阿Jane都感同身受，開心到跳起，心情久久未能平復。
香港隊同南非隊激烈火併，最終技高一籌稱霸。（受訪者提供）
趙式和同家人喺VIP包廂觀賞球賽。（受訪者提供）
