慶祝情人節唔一定要幫襯高檔餐廳鋸心形牛扒,香港咖啡紅茶協會主席黃家和話簡單一杯鴛鴦就足以表達心意。
佢話沖調一杯美味嘅鴛鴦,並非咖啡奶茶各佔一半,而係因應茶葉同咖啡嘅品種而定,要做到既有咖啡嘅濃滑,又蘊含紅茶嘅幽香,就好比戀愛中嘅情侶,你中有我,我中有你,兩者難分難解至係鴛鴦嘅上品。
黃家和話鴛鴦係甚具代表性嘅情人節餐飲。