政壇：莊家彬有個餅印細佬
喺前日廣東社團總會舉行嘅新春酒會上，見到莊士集團太子爺Albert莊家彬同胞弟Edwin莊家豐，原來兩兄弟無論高度同外形都非常相似，難怪Albert曾經被人點錯相，認錯佢係Edwin喇。
Edwin啱啱喺紐約修畢建築碩士課程，返港過農曆新年兼做生意。佢喺中環開咗一間建築設計公司，遲啲仲會喺泰國曼谷開分公司，趁後生大膽創業，佢話泰國人工平，而合作夥伴又喺泰國，因利乘便。至於Albert依家專注打理家族生意，佢過年同一大班朋友去咗加拿大滑雪玩足七日，仲喺當地遇到唔少老友，玩得好盡興。
莊家彬（右）同胞弟莊家豐（左）出席廣東社團酒會，大家話佢哋係咪好似餅印咁呢？