政壇：白鴿黨氹馮偉華入苦海
白鴿黨嘅立法會教育界議員張文光決定放棄競逐連任，亦早已部署栽培馮偉華做接班人，仲想佢入黨參選。估唔到張文光呢個如意算盤打得響，唔單止喺年幾前成功令馮坐正做教協會長，農曆新年前仲成功逼到佢加入白鴿黨，下一步好大機會循教育界參選進身立法會。
除咗入黨外，馮偉華仲要過埋老婆仔女嗰關，佢笑笑口話：「我老婆仔女一直反對我參選，不過依家已經接受現實，因為覺得我反正參唔參選，都有咁多嘢搞，成日都唔喺屋企。」
為咗分擔教協嘅職務，馮偉華除咗新聘請咗個助理外，仲新任命佢港大嘅舊同學葉建源做教協總幹事，似乎為參選立法會鋪定路。如果佢真係參選，張文就真係守得雲開見月明，可以全身引退，專心處理番教協會務，而馮就要跳入議會呢個苦海喇！
（設計圖片）