政壇：雙非問題源自公文袋
公文袋舊年畀建制派狂轟係外傭居港權案嘅幕後黑手，市民亦以選票向公文袋說不，依家社會開始熱議雙非孕婦來港產子問題，公文袋日前就發起街頭簽名運動，要求政府立即暫停雙非孕婦配額，企圖「洗底」，點知有團體就踢爆佢哋偽善。
一直狙擊公文袋嘅愛護香港力量（愛港力）公關組，尋日向各大傳媒發表以「公民黨『賊喊捉賊』」為標題嘅新聞稿，指公文袋嘅李志喜就係雙非始作俑者，又狠批公文袋一眾大狀有法不依，導致今日有大量雙非湧港衝閘產子，令港人嘅福利資源被無止境蠶食。
愛港力又印製號外詳盡講解雙非嘅來龍去脈，短短三個多小時就收到六千個簽名，又要求公文袋認錯同向市民交代佢哋創黨至今做過嘅種種禍港惡行喎。