驚青三人組：我哋嚟幫妳

【本報訊】「可能係公仔啫！」率先發現半裸女死屍的西餅師傅張先生，一度懷疑是吹氣公仔，返回葵涌麗瑤邨後與兩好友談及此事，友人認為事態嚴重，但又怕虛報案件浪費警力，三人於是帶備香燭重返現場尋屍，證實是女屍後，三人雖感驚慌和不安，但希望女死者可以沉冤得雪，將兇手繩之以法。

兩名分別姓鍾及姓陳的好友，從張師傅口中得悉發現女裸屍，兩人均感可疑：「嗰度點會有公仔呀？好可疑！」由於擔心未查明事件報假案，三人於是結伴返回現場尋屍。三人抵達現場時，鍾顯得頗緊張：「我估唔似公仔，如果個女仔真係被姦殺，希望幫到佢唔使再日曬雨淋。」但他又坦言心驚驚：「我哋準備好晒o架啦，帶咗嘢去燒畀佢。」

鍾與陳隨即拿出一早準備的香燭冥鏹，隔着鐵絲網發現疑似女屍時，二人嚇得大叫：「係啦！係啦！九成係啦！」並即時燃點香燭、大撒溪錢：「我哋係嚟幫妳，唔係搞妳，依家燒嘢畀妳先！」他們邊化寶邊致電報警。