SUN世代：大病過後不浪費一分一秒
翻開李健虎的行程表，每一個時段都擠得密密麻麻，幾乎沒有半點空閒時間。原來，這與他小時候身體孱弱，險些喪命有關，「細個身體好差，成日發高燒。二年級有次燒得特別嚴重，真係好辛苦，我嗰陣以為自己死梗，仲諗定將儲起嘅錢分畀兩個細佬。」
大步檻過，小小的李健虎學會珍惜時間，自此不再浪費一分一秒。中學時期，他不單是多個BBS網絡首長，更是學校活躍分子，身兼四個學會的主席或副主席、學生會幹事，亦是籃球隊隊長，「當時我仲保持一項學校紀錄，就係喺一場籃球比賽入面，獨取五十六分，佔全隊總分近七成。」
除專注公司工作及社會事務外，李健虎今年還有「新搞作」，就是在一齣聖誕公演的音樂劇中，擔當第二男主角，「生命短暫，所以要喺有限嘅時間入面，學多啲唔同嘅嘢，豐盛人生！」
李健虎（左)及其團隊合作無間，多年來共同完成無數個網絡廣播項目。