政壇：政商定格：黃家和九州豪擦和牛拉麵
香港餐飲聯業協會會長Simon黃家和早前同十七名飲食界朋友，到日本福岡、鹿兒島、宮崎同熊本各縣作交流，據聞當地以高規格接待代表團以表重視，所以餐餐奉上上等和牛同拉麵等食物，美食當前，代表團成員幾乎每個都增磅成功，好似Simon返港後就發現肥咗四磅幾。
話說九州熊本縣知事Kabashima今年二月曾來港宣傳熊本縣，認識咗Simon之後惺惺相惜，當時Simon應承對方會喺今年內探望佢，但因為三月發生大地震，佢要延遲成行。Kabashima見到佢後好開心，公開大讚港人守信用，仲送咗一個別針畀Simon，講到明只要喺熊本縣出示呢個別針，話畀人哋聽係知事嘅朋友，就可得到當地特別招待喎！簡直就係「通行證」一樣。
黃家和（右二）、九州熊本縣知事Kabashima同藝伎合照。