政壇：林玉茵愛影風景少自拍

香港菁英幗聚研究會尋日公布咗個調查，發現有好多女仔鍾意自拍，題材主要係日常生活照，亦有同另一半嘅親密照，部分人更會將自拍照放上網。主席林玉茵就話鍾意影風景相，好少自拍，放上網都係自己養嘅狗仔相，講笑咁話相信隻狗仔唔會介意主人洩露佢嘅私隱。廠商會青年委員會副主席顏明秀都鍾意揸機影相，佢建議年輕人要識得保護自己，太私人嘅相最好唔好放上網，要識得分。

出席同一活動嘅新進女模符曉薇話十八歲起就有自拍習慣，部分自拍照都會放上網並附上註解，好似日記咁交代當日嘅事，同埋希望得到朋友嘅「Like」。

第一手消息請下載on.cc東方互動iPhone/iPad/Android Apps
「Money18免費即秒股票報價網站」現推出8升級功能，財經資訊，實時實發！

林玉茵（左）同顏明秀都鍾意透過影相表達感受。