政壇：法巴鄺樂天寫武俠小說
法巴投資亞太區股票主管Arthur鄺樂天投資叻，原來寫作都好掂，佢讀書年代已寫散文同作詩，近年開始寫埋武俠小說，而且仲已寫咗十萬字！不過，Arthur話十萬字距離目標好遠，睇怕出版係遙遙無期嘅事，但佢就好享受寫書嘅過程，仲話有時會同朋友傾吓小說嘅發展、主角嘅經歷，其實已經令佢好享受。
本書寫得耐，除咗由於工作忙碌外，佢話同個人興趣比較多亦有關，佢平日會睇大量天文同地理書，話自己曾經想做天文學家同地質學家，所以呢排特登去冰島睇火山，而且喺日本發生地震後冇耐去到日本災區，睇睇大自然嘅威力。
