喺上周六夜晚維港上空煙花綻放，贊助煙花匯演嘅福建社團聯會當晚亦舉行新一屆會董就職。
冧莊做主席嘅林樹哲真係愈忙愈開心，過千名政商界嘉賓同鄉親同樂，當中包括藝人林峯。佢一出現就即時引起哄動，雖然佢蓄意低調，同本身係聯會常務會董嘅爸爸林華國坐埋一邊享用自助餐，但仍然逃不出眼利嘅粉絲法眼，成晚不停被要求影相，而佢對粉絲亦有求必應。
仁濟醫院前主席董吳玲玲喺九月底剛接任晉江同鄉會會長，成為福建幫難得一見嘅女會長，當晚又升呢出任聯會副主席，雙喜臨門，難怪成晚笑容燦爛。
林峯成晚變身布景板與粉絲合照。
林樹哲（左起）、盧文端同董吳玲玲開心合影。
