政壇：搞搞政：區會候選人唔like馮驊

用過facebook嘅朋友都會知道，你留言畀我、我留言畀你屬等閒事，你like我、我like你更加同食飯呼吸一樣咁自然。不過，選管會主席馮驊尋日喺區議會選舉候選人簡介會上話，如果候選人留言或like佢哋嘅粉絲，就要交番個書面文本畀選管會，至於粉絲留言或like候選人就唔使。另一方面，佢話候選人應該提醒佢哋嘅粉絲，如果粉絲like或留言畀候選人，等於書面同意候選人將呢啲like或留言公諸於世。

社民連候選人阿牛曾健成聽到火到嚟埋，喪鬧fb本來就係用嚟同人溝通，搞到留言講句多謝都要上報，認真麻煩，佢仲反問馮驊，如果你返工同放工都要上報一次，你覺得唔煩呀？說罷，全場即時掌聲雷動。阿牛嘅對手包括獨立候選人李進秋同埋雷倩兒。

參選九龍城區會，將會同白鴿黨黃碧雲、人民力量歐陽英傑鍊過嘅專業會議立法會議員梁美芬都勁鬧，選管會限制多多、矯枉過正。