政壇：冼國林秋瑾戲飛益股東
上市公司回饋股東有好多種方式，努力做好公司業績，幫公司賺錢係最基本嘅，賺到錢就派息畀股東係另一種，國藝主席冼國林就諗到其他方法，就係送戲飛畀股東，等佢哋欣賞吓公司嘅製作成果。國藝嘅業務之一係電影製作同發行，送番自己製作嘅戲票都好正常，一來股東更加清楚公司用啲錢做咗啲乜，一個唔覺意，可以令套戲嘅入場率高啲。其實同類型嘅橋，其他上市公司都用過，好似港鐵就送過機場鐵路嘅優惠券畀股東。
冼國林話每名股東可以獲送兩張講及秋瑾事迹嘅電影換領券。諗番轉頭，佢話拍攝著名歷史人物從來都是件難度頗高嘅事，好彩秋瑾後人中輩份最高嘅百歲老人—秋瑾外甥女王慰慈題詞支持。
冼國林話將歷史人物拍成電影，從來都係難度頗高嘅事。