SUN世代:魔術手圓女士「美」夢

雄赳赳的鄧志輝(Eddy),十年前投身美容瘦身界,憑過人才能晉升至管理層。擁有專業知識的他,後來創立自己的醫學美容集團,於數年間搶佔全港最高市場佔有率,更屢奪大獎。他矢志扭轉港人對醫學美容的落後觀念:「以前去美容院係畀錢買希望,但依家真係買到預期效果,令女士挽回自信,重獲新生!」

Eddy於香港大學攻讀醫科,完成兩年課程後,卻選擇毅然離開:「當時讀醫嘅原因係爸爸大病,我好想親自醫佢。但讀落去就發覺,根本好難醫好一個人,最多只可以延緩病情,愈識得多就愈覺得醫生嘅力量好渺小。而其實我自細已經夢想創業做老闆,對做生意好有興趣,於是就決定轉去讀工商管理。」

棄厚職冒險創業

畢業之後,Eddy在朋友介紹下投身美容界,由低做起,協助公司在逆市擴充,創下輝煌佳績。獲擢升為高層的他,卻甘願放棄高薪厚職,冒險創業:「嗰時升職比人快,惹嚟好多閒言閒語,有人向我阿諛奉承,上面又怕我喧賓奪主,好麻煩,都係自己做老闆好!」

憑着對醫學的專業知識,Eddy於○五年創立其醫學美容集團,在短短數年間發展至二十四間分店,更成為全港最高市場佔有率的醫學美容公司。他矢志令這行業改變:「香港嘅醫學美容業係非常落後,亞洲好多地區例如韓國、日本,一早已經好流行,○七年起,超過七成女士扮靚係去搵醫生。我希望香港嘅女士都可以放心用有科學根據嘅醫學技術美容!」

Eddy致力令香港美容科學化、醫學化及透明化,令女士可藉安全的醫術重拾自信,改變人生。「好多女仔一個月搵一萬人工,會去美容院使十幾萬,但做一百次都冇效,實在係好沮喪!以前去美容院係買希望,但我哋就可以向女士保證達到預期效果,令佢哋夢想成真!見到佢哋可以重獲新生,先至係最開心!聽到佢哋向我講多謝,真係好有滿足感!」

Eddy's Profile

婚姻狀況:已婚,育有一女

現  職:聯信國際企業有限公司行政總裁

學  歷:香港大學工商管理學士

「Money18免費即秒股票報價網站」現推出8升級功能,財經資訊,實時實發!

李佩珩

令女士挽回自信、重獲新生,是Eddy的滿足感來源。

Dr Pro及Dr Reborn屢奪大獎。

Eddy與太太(左一)出席去年公司的周年晚宴。(受訪者提供)

Eddy與太太非常恩愛,兩人經常外遊增進感情。(受訪者提供)