貧富懸殊愈嚟愈嚴重，叙福樓集團執董Simon黃傑龍早前就自掏腰包，宴請一百位嚟自元朗同深水埗嘅低收入家庭小朋友，到旗下九龍灣MegaBox嘅御苑皇宴食晚飯，全程由香港提升快樂指數基金義務總幹事Helen陳詠梅義助幫手。
大餐有大蝦沙律、薯仔蓉湯等，全部少油少鹽，保證健康。呢班小朋友幾乎未去過MegaBox，Helen同Simon諗咗個尋寶遊戲，叫小朋友喺商場跑上跑落認識新地方，得獎者有大袋文具送，令佢哋開心到唔捨得走。
叙福樓集團執董Simon黃傑龍
