政壇：醉貓孫柏文直播出醜
喺二○○○年參選過立法會港島區議席敗北嘅孫柏文，近年以財經人自居，前晚約十點半，肥仔文以嘉賓身份現身有線電視嘅《華爾街速遞》節目，討論近排波濤洶湧嘅環球股市。節目一開始，靚女主持已經好反常咁低聲問肥仔文ready未，當另一嘉賓黃元山提到歐美股市回春，唔知係咪一個會漏水嘅水泡，主持就問肥仔文睇法。肥仔文反應有些少遲鈍，然後話：「……如果係攬住個水泡嘅話，我都係要鍾意……鍾意鍾意……如果係鍾意個水泡嘅話，一定係要攬住個水泡囉！」主持見勢頭唔對，之後基本上只同黃元山對話，第二節直情飛走肥仔文。
有線電視回覆話，肥仔文前晚身體不適，所以做咗第一節就請佢返去休息喎！
孫柏文