政情：徐蒝盼大笪地再現
香港人愈來愈重視集體回憶，但本地傳統得到保留嘅卻唔多。創意名廚徐蒝慨嘆本港富有特色嘅街頭飲食文化愈嚟愈少，建議香港不妨倣效新加坡同馬來西亞，畀啲攤販一個合法嘅戶外場地經營飲食，重現以前大笪地嘅熱鬧盛況。
徐蒝尋日喺灣仔美食博覽中一展身手，示範一道「魚香茄子凍」的菜式，其清爽怡人一改魚香茄子煲熱騰油膩嘅印象，講到本地飲食文化流失，佢認為以前管治香港嘅英國，偏偏英國喺一眾殖民帝國之中最唔識食嘅，結果好似餐肉腸仔蛋呢啲英式飲食成為香港早餐主流，亦間接令到原有富本土色彩嘅嘢式微。
