股市連日如坐過山車，小股民心血少啲都唔掂。轉型做主持人嘅前「天氣女郎」黃婉曼不時會接啲財經界嘅工作，佢都好留意股市情況，尋日更喺自己嘅網誌上講到風高浪急嘅市，佢認為及時離場好重要，而人最緊要係量力而為。
點解佢會有感而發呢？原來佢認為投資態度亦係一個人嘅生活態度，因為：「做人最重要是知足，太過執着只會導致精神緊張，絕對是得不償失。」似乎佢係想提醒小股民，如果過分執着，只會搞到憂慮度日，喪失做人嘅基本快樂。