世界大學生夏季運動會（大運會）喺深圳舉行，本地好多青年領袖都投身支持。霍英東家族嫡孫霍啟剛前日入場睇開幕式，尋日朝早又現身喺喇沙書院舉行嘅「全港學生撐大運」活動，與眾人誓師後，即刻率領過千名本港青年學生浩浩蕩蕩北上觀賽，啟剛話最鍾意睇游泳項目。
講番早前開幕禮，啟剛同菁英會主席洪為民、副主席楊華勇等都有入場，雖然開幕式唔夠北京奧運會咁壯觀，但都好精彩。洪為民就話最難忘係小提琴表演部分。
啟剛（右）同洪為民齊齊入場睇大運會開幕式。
