SUN世代：學習工作家庭缺一不可
工作加學習加家庭，是Patrick人生最重要的三件事。無論工作多繁忙，他都堅持星期日整天陪伴家人，「朝早同囝囝去打網球或者游水，跟住一家人去飲茶，之後一齊返屋企睇書，夜晚就同太太煮飯食！」
說起一對兒子，Patrick即滔滔不絕，分享他們成長的點滴，「大仔學嘢好快，而細仔就好堅持。喺細仔六歲嗰陣，我帶佢游渡海冬泳，嗰陣佢游到一半就支持唔住要停。之後佢好努力練游水，依家我都未游到一半，佢就游完返上岸！」他不期望一對兒子將來能飛黃騰達，只希望他們能在健康快樂的環境中成長，將來能發揮自己的長處，自力更生。
除了兼顧工作及家庭，一有時間Patrick都會學習不同事物，貫徹其不斷求進的精神，「我依家就學緊普通話，想從中了解多啲中國文化，而且仲有好多嘢想學！」
Patrick與其中一名囝囝。
Patrick最愛和囝囝游水。