SUN世代：科學驗證做快餐

每個成功人士背後，都有其致勝方程式，而努力不懈加上不斷求進，是吉野家快餐（香港）有限公司董事總經理陳錫堯（Patrick）成功的答案。在快餐業打滾二十年，他堅守信念，不斷為公司注入新元素，更穿起制服走到前線了解顧客需要，讓百年老店能歷久長青。

Patrick大學時讀科學，畢業後投身會計界，繼而選擇快餐作為終身職業，三者可謂風馬牛不相及，他笑言，快餐與科學、會計其實大有關係，「整一碗靚嘅牛肉飯，要講求用邊一部分嘅牛肉，用幾多度去煮個飯，幾時落牛肉同配料，多方面配合，先會有最好嘅效果，呢啲全部靠科學嘅驗證精神搵出嚟。而會計就透過數字，幫我哋搵到提升公司價值嘅方法」。

一晚學晒整年會計課程

成功故事的主角總是不斷遇上難題，Patrick自小對從商充滿興趣，大學卻未能修讀相關學科，畢業後投身會計界，又在起跑線上落後他人，「嗰陣考咗入一間大型會計師行，同期嘅同事，全部都係讀會計或者商科出身，得我一個對會計係零認識。」落後他人，他以努力搭救，比別人付出數倍努力，一晚內讀畢相當於一年課程的會計課本，一個月過後，測驗成績更是全班第四。

四年過去，Patrick考獲會計師執照後便毅然離開會計師行，走進他夢寐以求的商業世界，「做會計嗰陣，接觸到唔同行業，最終選擇喺快餐業發展。」九十年代初，快餐在香港處於起步階段，發展潛力豐厚，Patrick看準時機，加入當時在香港只有三家分店的吉野家。

放工穿制服赴前線幫手

為了解公司運作，Patrick穿梭於公司不同部門，財務部、發展部、生產部、訓練新人的部門，都留下其足迹。○四年他更花上半年時間，於公餘時間穿起制服，走到門市工作，「嗰陣六點放工，就即刻到尖沙咀分店幫手，喺廚房整牛肉飯、招呼客人，做到十一點收舖，甚至會同新人一齊去總公司考試。嗰段日子雖然辛苦，但可以近距離接觸到啲客同員工，我覺得好值得。」

努力總會得到回報，親身經歷前線員工工作，Patrick不但了解門市運作的細節，更贏得同事的尊重，「同事見我同佢哋一齊努力、一齊辛苦，對我嘅態度都唔同咗，大家變到好似一家人咁。」他亦從前線工作了解到客人的需要，改良服務，「夜晚好多客都傾向留耐啲聚吓，所以我哋就推出可以畀客人食耐啲嘅嘢，好似鐵板餐；又改善咗啲座位，等佢哋可以舒舒服服坐耐啲。」

吉野家在日本已有過百年歷史，Patrick卻堅持以不斷求變的精神留住客人，「好似我哋新推出嘅日式火鍋同百變牛丼，都係由香港嘅同事一齊研究出嚟，日本都無㗎！我哋會繼續努力，推出多啲更好更新嘅產品，回報一直支持我哋嘅客人！」

Patrick's Profile

婚姻狀況：已婚，育有兩子

現 職：吉野家快餐（香港）有限公司董事總經理

興 趣：旅遊、游泳、打網球