男女比例失衡，搞到香港地好多女士愈來愈難搵到歸宿，早排會計師公會約埋一班律師、醫生同埋測量師大搞「速配（speed dating）」，就係為女會員尋覓佳偶。據講，遲啲仲有意搵埋男士較多嘅工程師加入。
會計行內男女比例差唔多，不過近年新入行嘅比例已經去到七比三，即是七個女仔、三個男仔，而且，呢個趨勢仲有擴大到其他行業嘅可能，連新入律師行業嘅比例都係咁上下。所以會計師公會早前為二十五至三十五歲會員搞「速配」，讓平時忙到七彩嘅會計師，趁機擴闊社交圈子，真係用心良苦噃。