政情：索羅斯香港開檔為收風
香港係好多國際投資機構嘅堡壘，「國際大鱷」索羅斯喺香港嘅對沖基金公司（SFM HK）開咗大半年有多，但業界人士話，佢哋喺香港嘅規模仍然好細，亦唔算太活躍，似乎公司主要視香港為收風站，透過本港掌握金融市場嘅一手資訊。
SFM HK喺去年十一月一號正式攞咗證監會牌照，當時一度有人擔心有關公司會「興風作浪」，不過，大半年落嚟又唔係咁。基金界人士話，索羅斯擁有咁龐大集團，旗下管理資產達天文數字，要喺海外任何一個地方「做嘢」，可謂易如反掌，千里迢迢嚟到香港，又要攞牌，接受監管，其中一個目的都係希望貼近當地市場，收取第一手資料，方便部署。佢哋仲話，索羅斯喺香港開office，亦係因為想方便客戶喺投資前，到公司進行盡職審查。
索羅斯嘅香港對沖基金公司規模仍然好細，亦唔算太活躍。