SUN世代：一心行善 賺錢回饋弱勢社群
貴為IT精英，Edmon沒有選擇在更賺錢的商業機構工作，反而專心一意管理「DotAsia」這個非牟利機構，為的就是要回饋社會。他笑說：「公司賺嘅錢，全部用番喺有需要嘅人身上，以及推動互聯網發展，而且最重要係我都有份使呢啲錢！」
他說的「有份使」，是指決定將資金用到哪個公益用途，「例如『每童一電腦』，就係將電腦送畀內地、柬埔寨、馬來西亞等山區兒童，我哋亦同社聯合作『數碼共融基金』，教新移民、長者、貧窮家庭應用電腦。」
Edmon另一抱負是推動本港IT界參與制訂互聯網政策。「國際性互聯網會議係歡迎任何人參加，但香港企業嘅參與度好低，唔夠積極，咁只會令互聯網政策向西方國家傾斜。」
Edmon（中）與一眾嘉賓出席DotAsia開幕典禮。