港大碩士出身嘅模特兒Winnie曾咏為其新書舉行簽名會，同公司嘅模特兒張舒雅、楊汀叮、陳詩雅等專程撐場。Winnie嘅新書以教授健康減肥為主題，佢話籌備咗半年時間，當中訪問咗教授同醫生。
問到張舒雅有冇興趣出書時，佢話：「如果出書，應該會有好多相，冇乜字，我好鍾意食，所以會有好多食物相。」咁你不如出書教人hea？佢即時話：「唔講呢樣！」喺呢個時候，Winnie就大讚對方基因特別，食得再多都唔會肥。
曾咏（左）讚張舒雅（右）基因特別，食極唔肥。
