依家電子書大行其道，甘國亮尋日就為由佢作聲音演繹嘅電子書《單身》宣傳，佢話呢本係上世紀嘅英國名著，今次係佢首度為發聲書作聲演。咁有冇難度？佢笑住話：「我過去幾年試過喺電台有聲演文學名著，所以算係有年資，我可以做一個示範單位。不過，口讀同文字始終有段距離，既要口語化，但有啲用字又要保留原汁原味，好多嘢要斟酌。」
佢話，花咗三個月時間錄音，比想像中所花嘅時間要長，但認為非常值得，而佢亦有意將舊作以電子書形式推出。
甘國亮為佢聲音演繹嘅電子書《單身》作宣傳。
