政情：民主阿婆抽水老點選特首
不甘寂寞嘅「民主阿婆」陳方安生，每逢社會有富爭議性嘅議題就會走出嚟指指點點，驚死人唔記得佢。尋日公文袋有辦事處開幕，邀請民主阿婆出席，佢又抽水話泛民應派人參選特首選舉，同建制派硬撼。其實民主阿婆唔係泛民政黨中人，泛民派邊個人出選特首，都唔係好關佢事。
民主阿婆早幾年想做泛民共主做唔成，但依然對泛民參與特首選舉念念不忘，佢尋日被問到對下屆特首熱門候選人有乜嘢睇法時，佢本來話唔會評論，但講講吓又忍唔住口，話泛民要盡快諗定人選出戰，唔可以畀建制派獨領風騷。
呢幾日替補機制諮詢文件熱爆，民主阿婆當然唔會錯過抽水嘅機會，佢話四個方案都冇法律基礎，批評政府諮詢文件有誤導性，如果喺法律觀點上有猶豫，就唔應該出台喎！