大家樂主席陳裕光喺書展同書迷分享管理之道，作為一個有萬五名員工嘅企業領航員，要面對嘅問題都唔少，所以佢經常睇書學習管理之道，佢嘅新書叫做《為您做足100分》。
陳裕光仲話，飲食業傳統文化係鬧人、重錢重利、討價還價，但佢覺得依家應該改變，要好似雁字飛行咁各司其職、輪流做領航員等，唔可以再用大水牛文化。
之不過，早幾個月最低工資搞到大家樂好多風雨，陳裕光睇幾多書學管理，相信都唔會學到最低工資畀佢上嘅慘痛一課。
陳裕光為讀者喺書上簽名。
