City Parade:古典潮
法國頂級珠寶及鐘錶品牌Van Cleef & Arpels,喺香港開枝散葉,第五家精品店日前喺銅鑼灣利園二期隆重開幕。新店全球首次發布Vintage Alhambra古典系列,以低調柔美嘅玫瑰金塑造幸運四葉草圖案,散發甜美浪漫,名媛淑女又豈能錯過?無獨有偶,本着無窮創意嘅DG Lifestyle Store,第十六間門市正式開幕,早前喺金鐘太古廣場大鑼大鼓慶祝。
藝人謝婷婷一身珠光寶氣,艷壓群芳。
愛美無分性別,鯊魚女陳細潔(中)、博愛總理王嘉恩(左)及好友伍仕榮(右),一樣對珠寶入迷。
女婿係Van Cleef & Arpels亞太區總裁,港交所主席夏佳理(右)夫婦賞面撐場。
恒生新抱何倍倩氣質高雅,配襯Van Cleef & Arpels鑽飾,更添華貴。
新店係Van Cleef & Arpels亞太區總裁胡偉成(右)心血,太太徐文玠(左)當然支持。
九巴後人雷兆光(左)同太太雷林靜怡(左三)拍拖剪綵,DG Lifestyle董事葉志雄(左二)及董事吳彬彬(右一)親自招呼。
五位名模手持DG Lifestyle小配件,演繹時尚生活品味。
「扒王之王」太子女李依琳愛城中潮人潮物,有新電子產品出爐,點會錯過?