每年暑假嘅書展都係本地盛事，近年更加發展成為兩岸三地最受矚目嘅文化交流平台。今年嘅書展都有唔少名作家參加，其中包括以筆風大膽、言論惹火嘅作家李敖，有團體亦喺書展期間邀請咗李敖來香港演講，仲用「李敖颶風」形容呢次盛事。
下個禮拜日下晝，李敖會現身香江，除咗一個半鐘頭嘅演講外，再有半個鐘為讀者簽書，而主辦今次活動嘅係光華新聞文化中心同亞太台商聯合總會。
李敖開講一向吸引人，因為佢夠放，敢講，今次會爆啲咩嘢？相信好多人都有興趣。