「玩具大王」蔡志明太太李惠莉係安基司幼稚園嘅校監，尋日幼稚園舉行畢業禮，蔡家幾乎總動員出席撐場，連兒子蔡加讚嘅女友汪圓圓同媽咪都嚟，好明顯呢段情已經得到雙方家長祝福。
圓圓媽咪高調出席「未來親家」主辦嘅活動，到場時，圓圓牽着母親嘅手，加讚即時上前照顧她們，蔡志明見到未來親家都即刻上前打招呼，仲同圓圓話：「你媽咪好似你家姐。」圓圓媽咪被問到對加讚嘅印象時，一句「100%好！」再加送一個滿意嘅笑容。
蔡家幾乎總動員出席活動撐蔡太。
汪圓圓牽着媽咪嘅手到場。
