政情：鄭泳舜三個囝囝變義工
新一屆區議會選舉十一月舉行，唔少人已做定準備工夫，建仔嘅深水埗區議員鄭泳舜（Vincent）更花心思，印製咗一批好得意嘅宣傳卡片，卡片上嘅人係幾個BB，睇真啲，原來係Vincent三個分別幾個月至三歲大嘅囝囝，三個BB都有職銜o架，係佢哋爸爸嘅議員辦事處義工。
Vincent早排喺一個酒會上已周圍派呢批卡片，而且一派就三張，唔少人都話特別，仲會基於卡片再傾多幾句，Vincent呢招都幾絕噃。
好似Vincent嘅黨友陳克勤收到該三張「義工」卡片後，即時鋪上facebook，並講笑話發現三個印有卡片嘅「童工」，大讚Vincent真係好強喎。