政情：戴小奕10月拉埋天窗
法國殿堂級品牌Louis Vuitton尋日舉辦2011-2012秋冬男女裝系列展，男裝系列以北美阿米什派教徒嘅簡樸生活為靈感，設計優雅簡約；女裝系列以重細節嘅戀物癖為題材，以精緻小金片、珠片、珠子等貫穿整個系列，可謂鬼斧神工。
現場有中國女模戴小奕同數名外籍模特兒即場展示新品。小奕甜蜜地透露將於十月同前國家隊足球員男友舒暢拉埋天窗，仲打算喺家鄉青島舉行婚禮，咁會唔會喺香港舉辦慶祝活動？佢笑言：「經理人Kim說會舉行一個單身派對，然後我跟她說『那你不要來了』。」再追問會唔會喺香港擺喜酒時，佢話：「不會了，但會請同事和朋友吃飯或者出海。我還年輕，婚後會繼續留在香港工作。」
戴小奕展示Louis Vuitton嘅最近出品。