政情：莊偉茵感恩老友義助奶粉
國泰航空企業事務董事Quince莊偉茵尋日應青年事務委員會邀請，到一間學校同學生哥分享《飛一般的路》，佢話自細發展並非一帆風順，小學曾因英文同數學唔合格而留班，後來發憤苦讀英文，中學畢業時更加代表學生以英語致謝辭。
Quince十九年前遇到人生更大嘅低潮，當年任職金融業嘅老公投資失利，成頭家就靠喺酒店任職嘅佢頂住，而囝囝又啱啱出世，好彩獲得一位任職護士嘅舊同學幫佢張羅奶粉，仲供應咗一年添，加上親友支援，先渡過難關。
Quince經歷人生咁多波折，佢有句座右銘同大家分享：「每一日，都是人生的新一日。」
