政情：徐燦傑推證券考牌天書
就嚟又到書展，已經出過逾二十本書嘅香港大學電子金融服務榮譽助理教授Jeslie徐燦傑都有份參與其中。今年佢將推出證券考試天書，專攻證券及期貨從業員資格考試卷一嘅基本證券及期貨規例，書名係《一擊即中》，可謂夠晒氣勢同好意頭。
呢本書有乜特別之處？Jeslie話本書係全港第一本，針對今年六月新修訂嘅卷一綱要而撰寫，頁數也由原本嘅一百八十頁，加到二百四十幾頁，增幅超過百分之三十三。佢仲憶述自己當年考卷一時，用咗約兩個禮拜溫書就成功「一take」合格，而成功嘅背後，除咗努力外，亦少不免有本考試天書幫手，所以佢亦希望今次呢本書可以回饋社會，助有志投身金融界嘅人士考試「一擊即中」。難怪佢嘅粉絲們除咗尊稱Jeslie為「Prof. J」外，亦開始封佢為「股壇補習天王」啦！
徐燦傑話當年考試，都有本考試天書幫手。 （資料圖片）