SUN世代：男仔頭性格愛玩槍賽車
外表漂亮優雅的Jessica，原來性格非常男仔頭，她從小至大都就讀女校，但大部分興趣卻是男性玩意。「細個喺新加坡讀書，參加過學校嘅軍訓預備班，學習用真槍實彈，覺得好有型，於是鍾意咗玩槍，之後喺美國讀大學時都有玩。」除了槍外，Jessica更熱愛小型賽車：「我兩年前喺賽車場買咗架車，有專業教練同我練習速度、入彎技巧等，計晒圈速o架，係個serious hobby！」
Jessica像許多男性一樣，性格非常好勝：「我對自己要求好高，日日都同個市競爭，例如我幫個客投資賺咗百分之二十，我會問自己點樣可以再做得好啲，點樣可以再令風險低啲、回報高啲。我深信對自己冇要求，就唔會有進步！」
性格男仔頭的Jessica，熱愛小型賽車。