SUN世代：娃娃臉董事為財富起死回生

興趣加拚搏，是陳寶琪（Jessica）的成功方程式。這位美麗女強人，自小對商科充滿興趣及天分，矢志將來要在金融界大展拳腳。初入行時，她常因一副娃娃臉被客人小覷，但她並沒氣餒，反而加倍熱誠與努力，終獲得認同，逐步躍升為金融集團董事，「熱愛自己嘅工作，加埋努力，就係出人頭地嘅簡單秘訣！」

金融世界玩的就是起起跌跌的數字遊戲。Jessica自小已對數字敏感，記號碼是她的強項，而數學科成績一向非常優異：「我鍾意數學嘅原因，係佢可以用好多唔同嘅方法搵到答案，好有趣同富挑戰性！」她升讀大學時，已認清自己的前路：「大學時主修金融，係因為我清楚知道金融係香港嘅命脈。只要有興趣同肯努力，投身呢行係最容易出人頭地！」

客人惡搞 反成推動力

擁有一副娃娃瞼的Jessica，最初投身金融界時，經常被客人看輕，認為她「細路女識啲咩」，但她沒有因而氣餒，反而加倍努力做足準備，讓客人充分感受到她的熱誠衝勁，漸漸獲得認同。Jessica回想初入行時亦曾遇過不少「惡搞」客人：「好多客專登玩嘢，例如我好畀心機準備份計劃書，佢改咗十次見面時間，終於見到面，佢又話冇錢投資！初時都好沮喪同有挫敗感，但之後就諗『你玩我而唔係認真用我，將會係你嘅損失』，佢哋成為我努力向上嘅推動力！」

憑着熱誠與努力，Jessica於○五年躍升為金融集團董事，但拚搏精神不減：「當我決定入行，就預咗要一星期做足七日，一日做足廿四個鐘。我從來都唔知邊日係公眾假期，因為我放假都照返公司做嘢。」工作如此艱苦，但她卻未感厭倦，更高呼愈來愈熱愛！

助弱勢社群 回饋社會

入行十一年，最令Jessica感到成功的，是替客人財富起死回生的經歷：「金融海嘯前半年，我係唯一叫個客撤走投資的，但因為當時我仲係新手，所以佢冇聽我講，結果佢喺海嘯中蝕咗兩、三億元，係佢九成身家！之後佢畀咗一半資金我幫佢投資，依家已經幫佢回復番超過六成身家，真係好開心！」除了返工，Jessica亦積極參與慈善工作，幫助弱勢社群，為他們帶來歡樂，以回饋社會。

Jessica's Profile

學歷：美國Santa Clara University

現職：創盛理財董事

公職：獨立理財顧問協會副主席、香港專業保險經紀協會小組委員